Ular: «Ey Solih, bundan oldin sen ichimizda orzu qilingan eding. Endi bizni ota-bobolarimiz ibodat qiladigan narsaga ibodat qilmog`imizdan qaytarasanmi? Albatta, biz sen da'vat qilayotgan narsa haqida shak-shubhadamiz», dedilar. Hud 11:62 ⧉
Tafsir:
Dedilar: «Ey Solih, sen oldin oramizda oliy martabaga ega eding, seni bizga yoʻl-yoʻriq koʻrsatadigan aqlli odam boʻlishingni orzu qilgandik. Sen esa bizni ota-bobolarimiz ibodat qilib kelayotgan butlarga ibodat qilishimizdan qaytarasanmi?! Albatta, biz sen davat qilayotgan yolgʻiz Allohgagina ibodat qilish haqidagi gaplardan shubha-gumondamiz. Shuning uchun seni Alloh shaniga tuhmat qilyapti, deb bilamiz».