«Ey Robbim, haqiqatan, menga mulk berding va menga tushlarning ta'birini o`rgatding. Ey osmonlaru yerni yaratgan Zot! Sen dunyoyu oxiratda mening valiyimsan. Meni musulmon holimda vafot ettirgin va solihlarga qo`shgin.» Yusuf 12:101 ⧉
Tafsir:
Keyin Yusuf Parvardigoriga duo qilib dedi: "Parvardigorim, menga Misr podshohligidan mulkiyat berding va tushlar tabirini oʻrgatding. Ey osmonlaru yerni yaratgan, yoʻqdan bor qilgan Zot, dunyoyu oxiratdagi hamma ishlarimni boshqarib turadigan xojam Oʻzingsan. Ajalim yetgan paytda jonimni musulmon holimda olgin va meni solih paygʻambarlar qatoriga qoʻshib, firdavs jannatlaringda ular bilan birga qilgin.