Va uni arzon bahoga, sanoqli dirhamlarga sotdilar. Ular unga qiziqmagan edilar. Yusuf 12:20 ⧉
Tafsir:
Suvchi va uning sheriklari Misrda Yusufni arzon bahoga, bir necha dirhamlarga sotib yubordilar. Chunki ularni Yusuf ham, uning puli ham qiziqtirmas edi. Undan tezroq qutulib olishnigina oʻylardilar. Chunki ular Yusufning qul emasligini bilib qolgandilar. Qarindoshlari bilib qolishidan qoʻrqardilar. Bu ham Alloh taoloning u kishiga koʻrsatgan bir marhamati edi.