Batahqiq, Biz sendan oldin ham Payg`ambarlar yubordik va ularga xotinlar va zurriyotlar ato qilganmiz. Hech bir Payg`ambar Allohning iznisiz oyat-mo`'jiza keltirgan emas. Har bir ajalning o`z kitobi bordir. Ra'd 13:38 ⧉
Tafsir:
Ey Paygʻambar, sizdan oldin ham paygʻambarlar yuborganmiz. Siz birinchisi emassiz. Ularga ham xuddi odamlardek juftlar, bolalar ato etganmiz. Ularni uylanmaydigan, bola koʻrmaydigan farishtalar qilib qoʻymaganmiz. Siz ham oʻshalarning birisiz. Shunday ekan, nega mushriklar sizning odam ekaningizdan ajablanadilar? Allohning iznisiz biron paygʻambarning oʻzicha biron oyat-moʻjiza keltirishga haqqi boʻlmagan. Alloh hukm qilib qoʻygan har bir ishning oʻz yozigʻi va oʻz muddati bordirki, oʻsha yozigʻdan, oʻsha muddatdan qilcha ham oʻzgarmaydi.