Ular Allohning yo`lidan adashtirish uchun Unga tengdoshlar qildilar. Sen ularga: «Huzurlanib qoling! Bas, albatta, boradigan joyingiz do`zaxdir», deb ayt! Ibrohim 14:30 ⧉
Tafsir:
Mushriklar oʻz tobelarini Allohning yoʻlidan adashtirish uchun U Zotga sheriklar, tenglar qildilar. Ey Paygʻambar, ularga ayting: "Hozircha istaganinglarcha foydalanib turaveringlar-chi. Shu dunyo hayotida shubhalarni tarqatib yuraveringlar-chi. Baribir Qiyomat kuni borar joyinglar doʻzax-ku. Sizlarga undan boshqa joy yoʻq-ku".