Sen uni ruhul qudus Robbingdan iymon keltirganlarni sobitqadam qilish uchun va musulmonlarga hidoyat va xushxabar etib haq ila tushirganini ayt. An-Nahl 16:102 ⧉
Tafsir:
Ey Paygʻambar, ularga ayting: "Bu Quronni Jabroil alayhissalom Alloh taolo tarafidan haq bilan nozil qildi. Unda zarracha xato, oʻzgarish yoʻq. Toki, moʻminlar oyatlarning nasx qilinganiga ham, qilinmaganiga ham bir xil iymon keltiradigan sobitqadam boʻlsinlar hamda Quron ularni haq yoʻlga boshlaydigan hidoyat va musulmonlar uchun oxiratda oladigan ajru savoblari haqidagi xushxabar boʻlsin".