U o`sha (suv) ila sizga ekinlarni, zaytunni, xurmolarni, uzumlarni va turli mevalarni o`stirur. Albatta, bunda tafakkur qiladigan qavmlar uchun oyat-belgilar bordir. Nahl 16:11 ⧉
Tafsir:
Alloh shu suv orqali sizlarga ekinlar, zaytun, xurmo, uzumlar va boshqa hamma mevalardan oʻstirib-undirib beradi. Shu bir suvdan turli xil rangli va turli xil tamli oʻsimlikning oʻsib-unishida fikr yuritadigan odamlar uchun Allohning qudratiga dalolat qiluvchi oyat-alomatlar bor.