Batahqiq, ularga o`zlaridan Payg`ambar keldi. Bas, ular uni yolg`onchiga chiqardilar. Keyin, zolim bo`lganlari uchun, ularni azob tutdi. An-Nahl 16:113 ⧉
Tafsir:
Makka aholisiga rostgoʻylik va halollik bilan tanilgan bir paygʻambar - Muhammad alayhissalom keldi. Uni yolgʻonchiga chiqarib, Parvardigori tarafidan olib kelgan risolatini tan olmadilar. Shundan keyin ularga Allohning azobi - ochlik va qoʻrquv tushdi. Azob tushgan paytda ular Allohga shirk keltirib, paygʻambarini yolgʻonchiga chiqarib, oʻzlariga oʻzlari zulm qilib turgan edilar.