Allohga nisbatan yolg`on to`qish uchun tillaringiz vasf qilgan yolg`onni gapirib: «Bu halol, bu harom», deyavermanglar. Albatta, Allohga nisbatan yolg`on to`quvchilar najot topmaslar. An-Nahl 16:116 ⧉
Tafsir:
Ey mushriklar, bu halol va bu harom, deya tillaringizga kelganini gapiravermanglar va bu bilan Alloh shaniga yolgʻon toʻqishga urinmanglar. Yani, Alloh harom qilmagan narsani harom yoki Alloh halol qilmagan narsani halol, demanglar. Alloh shaniga yolgʻon toʻqiganlar maqsadlariga yetmaydilar, najot topmaydilar.