Farishtalar ularning jonlarini o`zlariga zulm qilgan hollarida olgandir. Ular, hech bir yomonlik qilmagan edik, deya taslim bo`lurlar. Yo`q! Albatta, Alloh nima amal qilib yurganingizni bilguvchi Zotdir. An-Nahl 16:28 ⧉
Tafsir:
Allohga kufr keltirib, oʻzlariga oʻzlari zulm qilib turgan hollarida farishtalar ularning jonlarini oladilar. Shunda ular taqdirga tan berib, kufru masiyatlarini rad etadilar. Rad etsak, foydasi boʻladi, deb oʻylaydilar. Shunda ularga aytiladiki, sizlar kofir boʻlib, gunohlar qilgan edingiz, dunyoda qilib oʻtgan ishlaringizni Alloh koʻrib-bilib turgan, hech narsa U Zotdan yashirin qola olmas, endi amallaringizga yarasha jazo yoki mukofotingizni berur.