Sen: «Allohga duo qilinglar, Rohmanga duo qilinglar, qaysisiga duo qilsangiz ham, bari bir. Go`zal ismlar Unikidir», deb ayt. Namozingni juda baland ovoz ila o`qima, uni juda maxfiy ham o`qima, buning orasida bir yo`l tut. Isro 17:110 ⧉
Tafsir:
Ey Paygʻambar, sizga "Yo Alloh, Yo Rahmon", deb duo qilishingizni inkor qiladiganlarga ayting: "Alloh ham, Rahmon ham Allohning nomlaridir. Qaysi birini aytib chaqirsangiz ham boʻlaveradi. U Zotning goʻzal nomlari bor. Bu ikkisi ham oʻshalardan. Allohga shu ikkisini aytib yoki boshqa nomlarini aytib duo qilish ham joiz. Namozingizda mushriklar eshitadigan darajada baland ovozda qiroat qilmang, moʻminlar eshitmay qoladigan darajada ovozingizni pastlatib ham yubormang. Shu ikkisining oʻrtasidagi bir yoʻlni tanlang".