Robbing faqat Uning O`zigagina ibodat qilishingni va ota-onaga yaxshilik qilishni amr etdi. Agar huzuringda ularning birlari yoki ikkovlari ham keksalikka yetsalar, bas, ularga «uff» dema, ularga ozor berma va ularga yaxshi so`z ayt! Isro 17:23 ⧉
Tafsir:
Ey banda, Parvardigoring senga faqat U Zotgagina ibodat qilishni, Undan boshqaga bandalik qilmaslikni hamda ota-onaga, ayniqsa, qarigan paytlarida yaxshilik qilishni buyurdi. Agar ulardan biri yoki har ikkisi sening huzuringda keksalik yoshiga yetsalar, ularni malol olib, uf tortma. Ularga qoʻpollik qilma, ozor berma. Har doim ularga eng muloyim, eng yaxshi gaplarni gapir.