Sizni quruqlikning bir tomoniga yutqazib yuborishidan yoki ustingizdan toshli shamol yuborishidan, so`ngra o`zingizga qutqaruvchi topa olmay qolishingizdan xotirjammisiz?! Al-Isra 17:68 ⧉
Tafsir:
Ey mushriklar, siz oʻzingizcha xotirjam boʻlib qoldingizmi? Sizlarga najot berib, quruqlikka chiqarib qoʻygan Zot shu quruqlikning oʻziga sizlarni yuttirib yubora olmaydimi? Xuddi Lut qavmiga yogʻdirganidek, ustingizga osmondan tosh yogʻdira olmaydimi? Keyin esa oʻzingizni himoya qiladigan biron madadkor va homiy topa olmasdan sarson boʻlib qolmaysizlarmi?