Mol-mulk, bola-chaqa hayoti dunyo ziynatidir. Boqiy qolguvchi solih amallar Robbing huzurida savob va umid jihatidan yaxshiroqdir. Kahf 18:46 ⧉
Tafsir:
Mol-davlat va bola-chaqa shu dunyoning bezagidir. Oxiratda esa Alloh rizosi yoʻlida sarflanmagan mol-davlatdan foyda yoʻq. Alloh rizosi yoʻlidagi ishlar va gaplar bu dunyoning har qancha zebu ziynatidan yaxshiroqdir. Insonning orzu qilishiga, intilishiga arziydigan narsa mana shudir. Zero, dunyoning zebu ziynati foniydir. Alloh rizosi yoʻlidagi ishlar va gaplar esa boqiydir.