U zot: «Sizlar Mening «sheriklarim» deb o`ylaganlaringizni chaqiring», degan kunida ularni chaqirdilar. Bas, ular javob bermadilar va ularning orasiga halokatgoh qilmishmiz. Al-Kahf 18:52 ⧉
Tafsir:
Ey Paygʻambar, ularga Qiyomat kunini eslating. U kunda Alloh mushriklarga: "Mening sheriklarim deb oʻylagan butlaringizni yordamga chaqiringlar", deydi. Ular chaqiradilar. Butlari esa chaqiriqqa javob bermaydilar. Biz bu bandalar bilan ularning mabudlari orasida bir halokat chohini paydo qilib qoʻyganmiz. Hammalari oʻsha chohga qulaydilar. U jahannam olovidir.