«Kemaga kelsak, u dengizda ishlaydigan miskinlarniki edi. Bas, men uni aybli qilishni iroda qildim. Chunki, ortlarida bir podshoh bo`lib, barcha kemani tortib olayotgan edi. Al-Kahf 18:79 ⧉
Tafsir:
Kemani teshib qoʻyganimga etiroz bildirganding. U dengizda ishlaydigan bechora, zaif odamlarning kemasi edi. Ular kemalarini oʻzlari mudofaa qila olmas edilar. Atayin uni aybli qilib qoʻydim. Toki, boshqa soz kemalarni tortib olayotgan podshoh aybini koʻrib, buzuq ekan, deya unga tegmasin.