Ular bir ummat edilar, o`tib ketdilar. Ularga o`zlari kasb qilganlari bo`lur. Sizlarga o`zingiz kasb qilganingiz bo`ladir. Ularning qilgan amallaridan sizlar so`ralmassiz. Al-Baqarah 2:141 ⧉
Tafsir:
U ummat boshqa millatlar qatori oʻtib ketib boʻldi. Qilganini qildi. Yaxshi amal qildimi, yomon amal qildimi, nima qilgan boʻlsa, oʻziga qildi. Ularga oʻzlarining amallari, sizlarga esa oʻzlaringizniki. Ularning qilgan ishlari uchun sizlar javobgar boʻlmaysizlar. Sizlarning qilgan ishlaringiz uchun ular javobgar boʻlmaydilar. Hech kim hech kimning gunohi uchun masul boʻlmaydi. Hamma oʻzi qilgan ishiga javob beradi.