Albatta, Biz nozil qilgan ravshan oyatlarni va hidoyatni odamlarga kitobda bayon qilib berganimizdan keyin berkitganlarni — o`shalarni Alloh la'natlaydir. Va la'natlovchilar la'natlaydir. Al-Baqarah 2:159 ⧉
Tafsir:
Biz Muhammad alayhissalomning haq paygʻambar ekaniga dalolat qiluvchi hujjatlarni yahud va nasorolarning kitoblarida ochiq bayon qilganmiz. Endi shu hujjatlarni yashirgan yahud, nasoro va boshqalarni Alloh Oʻz rahmatidan quvadi. Farishtalar, paygʻambarlar va hamma odamlar, Allohning rahmatidan quvilsin, deya ularni duoyibad qiladilar.