Albatta, Alloh kitobda tushirgan narsani berkitganlar va uni ozgina bahoga sotganlar, ana o`shalar qorinlariga olovdan boshqa narsani yemaslar, ularga Alloh qiyomat kuni gapirmas va ularni poklamas. Ularga alamli azoblar bor. Baqara 2:174 ⧉
Tafsir:
Alloh nozil qilgan kitoblarni va ulardagi Muhammad alayhissalomning haqiqiy paygʻambar ekanini isbotlovchi hujjatlarni yashirgan va uni lavozim, obroʻ va mol-davlat kabi arzimas chaqaga sotgan yahud va nasorolarning qorinlaridagi yeganlari oʻt boʻladi, olov boʻladi. Yani, qorinlariga oʻt bilan, olov bilan azoblanishga sabab boʻladigan narsalarni yeydilar. Qiyomat kuni Alloh ular bilan gaplashmaydi, yani, ularga yoqadigan tarzda gaplashmaydi, balki, holini abgor qiladigan tarzda gaplashadi. Ular haqida yaxshi gap aytmaydi, ularni oqlamaydi. Ular uchun alamli azob bordir.