Landscape MP4 Vertical MP4

Sura Al-Baqarah — Oyat 178 (Oʻzbekcha) — Video

Al-Baqarah • Oyat 286 dan 178 • Oʻzbekcha


يَا أَيُّهَا الَّذِينَ آمَنُوا كُتِبَ عَلَيْكُمُ الْقِصَاصُ فِي الْقَتْلَى ۖ الْحُرُّ بِالْحُرِّ وَالْعَبْدُ بِالْعَبْدِ وَالْأُنْثَىٰ بِالْأُنْثَىٰ ۚ فَمَنْ عُفِيَ لَهُ مِنْ أَخِيهِ شَيْءٌ فَاتِّبَاعٌ بِالْمَعْرُوفِ وَأَدَاءٌ إِلَيْهِ بِإِحْسَانٍ ۗ ذَٰلِكَ تَخْفِيفٌ مِنْ رَبِّكُمْ وَرَحْمَةٌ ۗ فَمَنِ اعْتَدَىٰ بَعْدَ ذَٰلِكَ فَلَهُ عَذَابٌ أَلِيمٌ 178
Tarjima:
Ey, iymon keltirganlar! Sizga o`ldirilganlar uchun qasos farz qilindi: hurga hur, qulga qul, ayolga ayol. Kimga o`z birodaridan bir narsa afv qilinsa, bas, yaxshilik ila so`ralsin va ado etish ham yaxshilikcha bo`lsin. Bu, Robbilaringizdan yengillik va rahmatdir. Undan keyin kim dushmanlik qilsa, unga alamli azob bor. Al-Baqarah 2:178 ⧉
Tafsir:
Ey Allohga iymon keltirgan va paygʻambariga ergashgan kimsalar, sizlarga birovni qasddan dushmanlik qilib oʻldirgan odamga oʻsha jinoyatiga yarasha jazo berish, yani, uni qatl qilish farz qilindi. Hurga hur, qulga qul, ayolga ayol. Agar marhumning oʻzi vafotidan oldin yoki uning egalari xun evaziga kechirib yuborsalar, xunni talab qilishda oʻlik egalari ham, uni toʻlashda qotil ham yaxshilik yoʻlini tutsinlar. Oʻlik egalari qotilga ozor-aziyat yetkazmasinlar, qotil ham oʻz navbatida xunni choʻzmasdan, paysalga solmasdan oʻz vaqtida toʻlasin. Mana shu kechirish va xun toʻlash Parvardigoringizning sizlarga koʻrsatgan marhamati va bergan yengilligidir. Endi kim kechirib va xunni olib boʻlganidan keyin yana qotilga tajovuz qilsa, uning uchun Alloh taolo tarafidan alamli azob bordir.
X Facebook Minutemailer Stellar WhatsApp Reddit
To‘liq sura videosiga o‘tish
Oldingi Al-Baqarah • Oyat 177 Keyingi Al-Baqarah • Oyat 179