Yoki xuddi osmondan yomg`ir yog`ib, qorong`u bosib, momaqaldiroq va chaqmoq chaqqanda, yashindan qochib, panjalarini quloqlariga tiqib, o`limdan ehtiyot bo`layotgan odamga o`xsharlar. Va Alloh kofirlarni o`rab oluvchidir. Baqara 2:19 ⧉
Tafsir:
Suvga oid masal shuki, ular osmonni qora bulut qoplab, momaqaldiroq va chaqmoqlar bilan quyayotgan yomgʻir ostida qolib, qoʻrquv va dahshatdan esini yoʻqotayozgan, oʻlimdan qoʻrqib, momaqaldiroqning dahshatli ovozidan barmoqlarini quloqlariga tiqib olgan kimsalarga oʻxshaydilar. Alloh kofirlarni har tarafdan oʻrab olguvchidirki, ular aslo chap bera olmaslar.