Landscape MP4 Vertical MP4

Sura Al-Baqarah — Oyat 196 (Oʻzbekcha) — Video

Al-Baqarah • Oyat 286 dan 196 • Oʻzbekcha


وَأَتِمُّوا الْحَجَّ وَالْعُمْرَةَ لِلَّهِ ۚ فَإِنْ أُحْصِرْتُمْ فَمَا اسْتَيْسَرَ مِنَ الْهَدْيِ ۖ وَلَا تَحْلِقُوا رُءُوسَكُمْ حَتَّىٰ يَبْلُغَ الْهَدْيُ مَحِلَّهُ ۚ فَمَنْ كَانَ مِنْكُمْ مَرِيضًا أَوْ بِهِ أَذًى مِنْ رَأْسِهِ فَفِدْيَةٌ مِنْ صِيَامٍ أَوْ صَدَقَةٍ أَوْ نُسُكٍ ۚ فَإِذَا أَمِنْتُمْ فَمَنْ تَمَتَّعَ بِالْعُمْرَةِ إِلَى الْحَجِّ فَمَا اسْتَيْسَرَ مِنَ الْهَدْيِ ۚ فَمَنْ لَمْ يَجِدْ فَصِيَامُ ثَلَاثَةِ أَيَّامٍ فِي الْحَجِّ وَسَبْعَةٍ إِذَا رَجَعْتُمْ ۗ تِلْكَ عَشَرَةٌ كَامِلَةٌ ۗ ذَٰلِكَ لِمَنْ لَمْ يَكُنْ أَهْلُهُ حَاضِرِي الْمَسْجِدِ الْحَرَامِ ۚ وَاتَّقُوا اللَّهَ وَاعْلَمُوا أَنَّ اللَّهَ شَدِيدُ الْعِقَابِ 196
Tarjima:
Alloh uchun haj va umrani tugal ado eting. Agar ushlanib qolsangiz, muyassar bo`lganicha qurbonlik qiling. Qurbonlik o`z joyiga yetmaguncha, sochingizni oldirmang. Sizdan kim bemor bo`lsa yoki boshida ozor beruvchi narsa bo`lsa, ro`za tutish yoki sadaqa berish yoxud qurbonlik so`yish ila to`lov to`lasin. Agar tinch bo`lsangiz, kim umradan hajgacha huzur qilgan bo`lsa, muyassar bo`lgan qurbonlikni qilsin. Kim topmasa, uch kun hajda, yetti kun qaytganingizda — hammasi o`n kun to`liq ro`za tutsin. Bu ahli Masjidul Haromda yashamaydiganlar uchundir. Va Allohga taqvo qiling hamda, bilingki, albatta, Alloh iqobi shiddatli Zotdir. Al-Baqarah 2:196 ⧉
Tafsir:
Haj va umrani Allohning yuzini iroda qilgan holda toʻla ado etinglar! Biron kasallik yoki dushman kabi toʻsiqlar tufayli uni ado etolmay qolsangiz, tuya, sigir yoki qoʻy singari biron jonliq soʻyib, ehromdan chiqinglar. Jonliq soʻyilishi joiz boʻlgan joyga yetib borguniga qadar sochinglarni oldirmanglar, kaltaytirmanglar. Mabodo yoʻlda biron toʻsiqqa duch kelinsa, oʻsha duch kelgan joyida boʻgʻizlansin. Haramga kelguniga qadar hech qanday toʻsiqqa uchramasa, qurbonlik kuni yoki undan keyingi tashriq kunlari Haramda soʻyilsin. Kim betob boʻlsa yoki boshida bit kabi biron ozor beradigan illati boʻlib, shu tufayli sochini oldirgan boʻlsa, hechqisi yoʻq. Buning uchun fidya toʻlashi lozim boʻladi. Fidya - uch kun roʻza tutish yo Haramdagi miskinlardan olti nafariga taom berish yoki bir qoʻy soʻyib, Haramdagi kambagʻallarga tarqatishdir. Biron xatar boʻlmagan paytda haj oylarida umra ham qilib olmoqchi boʻlgan kimsa va oʻsha yilgi hajga ehrom bogʻlaguniga qadar ehromdagi man qilingan narsalardan foydalanib qoʻygan boʻlsa, kuchi yetganicha bir qoʻy soʻysin yoki biron tuya va sigirni soʻyishda yetti kishi sheriklik qilsin. Bunga qodir boʻlmagan odam oʻsha ibodatlar bajarilayotgan paytda uch kun, xonadoniga qaytganidan keyin esa yetti kun, jami oʻn kun roʻza tutsin. Mana shu bir jonliq soʻyish yoki roʻza tutishlar, Haram aholisi va Haramga yaqin joyda yashaydiganlardan boshqalarga taalluqlidir. Allohdan shariatiga boʻysunish va hadlariga rioya etish ila taqvo qilinglar. Bilinglarki, Alloh oʻziga qarshi chiqqanlar uchun azobi qattiq boʻlgan Zotdir.
X Facebook Minutemailer Stellar WhatsApp Reddit
To‘liq sura videosiga o‘tish
Oldingi Al-Baqarah • Oyat 195 Keyingi Al-Baqarah • Oyat 197