Landscape MP4 Vertical MP4

Sura Baqara — Oyat 25 (Oʻzbekcha) — Video

Baqara • Oyat 286 dan 25 • Oʻzbekcha


وَبَشِّرِ الَّذِينَ آمَنُوا وَعَمِلُوا الصَّالِحَاتِ أَنَّ لَهُمْ جَنَّاتٍ تَجْرِي مِنْ تَحْتِهَا الْأَنْهَارُ ۖ كُلَّمَا رُزِقُوا مِنْهَا مِنْ ثَمَرَةٍ رِزْقًا ۙ قَالُوا هَٰذَا الَّذِي رُزِقْنَا مِنْ قَبْلُ ۖ وَأُتُوا بِهِ مُتَشَابِهًا ۖ وَلَهُمْ فِيهَا أَزْوَاجٌ مُطَهَّرَةٌ ۖ وَهُمْ فِيهَا خَالِدُونَ 25
Tarjima:
Iymon keltirgan va solih amallar qilganlarga ular uchun ostidan anhorlar oqib turgan jannatlar borligining bashoratini ber. Qachonki ularning mevasidan bahramand bo`lsalar, bundan avval ham rizqlangan edik, derlar. Ularga o`xshash narsalar berilgandir. Ularga u yerda pokiza juftlar bor va ular u yerda abadiy qolurlar. Baqara 2:25 ⧉
Tafsir:
Oldingi oyatda kofirlar doʻzaxdan ogohlantirilgan boʻlsalar, bunisida moʻminlarga - Allohga ishongan va yaxshi ishlarni qilgan kishilarga jannat xushxabari berilyapti. Jannatki, qasrlari va daraxtlari ostidan anhorlar oqib turadi. Bir mevasini yeganlarida, xuddi shunaqasini oldin ham yegan edik, deb qoladilar. Chunki ular dunyo mevalariga juda oʻxshab ketadi. Oʻzlariga oldindan tanish boʻlgan mevani koʻrgandek ishtahalari ochilishi uchun shakli va nomi bir-biriga oʻxshagan, tami va mazasi esa har xil boʻlgan mevalar taqdim qilinadi. Ularga jannatda odam ijirgʻanadigan, tabi koʻtarmaydigan har qanday kirlikdan pok boʻlgan juftlar ato etiladi. Bunday kirliklar shu dunyogagina xosdir. Bu dunyo nemati oʻtkinchi boʻlsa, u dunyo nemati boqiydir. Ular ana shunday boqiy nemat ichida umrguzaronlik qiladilar.
X Facebook Minutemailer Stellar WhatsApp Reddit
To‘liq sura videosiga o‘tish
Oldingi Baqara • Oyat 24 Keyingi Baqara • Oyat 26