Landscape MP4 Vertical MP4

Sura Al-Baqarah — Oyat 258 (Oʻzbekcha) — Video

Al-Baqarah • Oyat 286 dan 258 • Oʻzbekcha


أَلَمْ تَرَ إِلَى الَّذِي حَاجَّ إِبْرَاهِيمَ فِي رَبِّهِ أَنْ آتَاهُ اللَّهُ الْمُلْكَ إِذْ قَالَ إِبْرَاهِيمُ رَبِّيَ الَّذِي يُحْيِي وَيُمِيتُ قَالَ أَنَا أُحْيِي وَأُمِيتُ ۖ قَالَ إِبْرَاهِيمُ فَإِنَّ اللَّهَ يَأْتِي بِالشَّمْسِ مِنَ الْمَشْرِقِ فَأْتِ بِهَا مِنَ الْمَغْرِبِ فَبُهِتَ الَّذِي كَفَرَ ۗ وَاللَّهُ لَا يَهْدِي الْقَوْمَ الظَّالِمِينَ 258
Tarjima:
Alloh podshohlik berib qo`ygani sababidan Ibrohim bilan Robbisi haqida hujjat talashganni bilmadingmi? Ibrohim: «Mening Robbim tiriltiradi va o`ldiradi», deganda, u: «Men tiriltiraman va o`ldiraman», – dedi. Ibrohim: «Albatta, Alloh quyoshni Mashriqdan chiqarur, bas, sen uni Mag`ribdan chiqarging-chi», – dedi. Bas, kufr keltirgan lol qoldi. Va, Alloh zolim qavmlarni hidoyatga solmas. Al-Baqarah 2:258 ⧉
Tafsir:
Ey Paygʻambar alayhissalom, Ibrohim alayhissalom bilan Allohning rububiyati va tavhidi borasida mujodala qilgan zolimning hovliqqanini koʻrdingizmi? Nima uchun hovliqqanini bilasizmi? Chunki Alloh unga podshohlikni bergandi va u bosar-tusarini bilmay qolgandi. Ibrohim alayhissalom oldiniga Parvardigorining bir sifatini aytib: "Rabbim xaloyiqni oʻldiradi va tiriltiradi", dedi. Zolim bunga javoban sarkashlik bilan: "Men ham istagan odamimni oʻldiraman, istagan odamimni kechirib yuboraman", dedi. Shunda Ibrohim alayhissalom kattaroq hujjat keltirib: "Alloh quyoshni mashriqdan chiqaradi, sen uni magʻribdan chiqar-chi", dedi. Shu bilan zolim mot boʻldi-qoldi. Hujjat kuchli edi. Magʻlubligini tan olishdan boshqa chora qolmagandi. Alloh zolimlarni zulmi va zoʻravonligi tufayli Oʻzining yoʻliga yoʻllab qoʻymaydi.
X Facebook Minutemailer Stellar WhatsApp Reddit
To‘liq sura videosiga o‘tish
Oldingi Al-Baqarah • Oyat 257 Keyingi Al-Baqarah • Oyat 259