Ular: «Robbingga duo qil, uning qanday ekanini bizga bayon qilib bersin, sigir bizga noaniq bo`lib qoldi, biz, inshoalloh, albatta, hidoyat topuvchimiz», – dedilar. Al-Baqarah 2:70 ⧉
Tafsir:
Sarkashliklarida davom etib, Parvardigoringga duo qilib, sigirning belgilarini batafsil bayon qilib berishini soʻra, chunki sen tavsiflagandek sigirlar koʻp, biz ulardan qaysi birini soʻyishni bilmaymiz va aniq sifatlari aytilsa, biz inshoolloh oʻsha aytilgan sigirni topa olamiz, deyishdi.