Ular o`zlarini sotgan narsa: Alloh bandalaridan xohlaganiga O`z fazlidan tushirganiga hasad qilib, Alloh tushirgan narsaga kufr keltirmoqlik, qandoq ham yomon. Ular g`azabning ustiga g`azabni lozim tutdilar. Kofirlarga xor qiluvchi azob bordir. Al-Baqarah 2:90 ⧉
Tafsir:
Allohga va paygʻambarlariga iymon keltirishdek buyuk nematni Alloh nozil qilgan haqqa kufr keltirib, paygʻambarlarini yolgʻonchiga chiqarishdek razolatga almashtirish naqadar qabohat! Bu fojeaning ildizi hasad va tajovuzkorlik boʻldi. Ular paygʻambarlikka Muhammad alayhissalom tanlanganiga va Quron u kishiga nozil boʻlganiga hasad qildilar.Natijada Allohning qattiq, paydar-pay gʻazabiga giriftor boʻldilar. Chunki ular oldin Tavrotni oʻzgartirib yuborgandilar. Muhammad alayhissalomning paygʻambarligini inkor qilgan kofirlarga Qiyomat kunida hor qiladigan azob bordir.