Va, batahqiq, Biz Nuhni qavmiga Payg`ambar etib yubordik. Bas, u ular ichida ellik yili kam ming yil turdi. So`ngra ularni zolim bo`lgan hollarida to`fon oldi. Al-Ankabut 29:14 ⧉
Tafsir:
Nuhni oʻz qavmiga paygʻambar qilib yubordik. Bas, u ularning orasida 950 yil turib, ularni Allohga sherik qoʻshmay ibodat qilishga davat etdi. Qavmi uni yolgʻonchiga chiqarib, kofirligida davom etaverdi. Shu bilan ular Paygʻambarni yolgʻonchiga chiqarib, kufr keltirganlari sababli toʻfon balosiga yoʻliqib, suvga gʻarq boʻldilar.