Agar sizga jarohat yetgan bo`lsa, u qavmga ham shunga o`xshash jarohat yetgan. Bunday kunlarni odamlar orasida aylantirib turamiz. Toki, Alloh iymon keltirganlarni bilishi uchun va ulardan shahidlarni chiqarib olishi uchun. Va Alloh zolimlarni sevmas. Ali 'Imran 3:140 ⧉
Tafsir:
Ey moʻminlar, Uhud kunida sizlar oʻlim va jarohat kabi musibatlarga yoʻliqqan boʻlsangizlar, xuddi shunday musibatlarga kofirlar ham yoʻliqdilar. Alloh kunlarni moʻminu kofir odamlar orasida aylantirib turadi. Istaganiga gʻalaba beradi, istaganiga magʻlubiyat. Bu ishlar ostida yetuk hikmatlar bor. Ulardan biri chin moʻminlarni munofiqlardan ajratib olish boʻlsa, yana biri Alloh taoloning Oʻzi istagan bandasini shahidlik maqomi bilan siylashidir. Alloh jihodni tark qilish bilan oʻziga oʻzi zulm qilganlarni yaxshi koʻrmaydi.