Va (unga): «Sovutlar qilgin va bichimini o`lchovli qil. Solih amallar qilinglar. Albatta, Men nima amal qilayotganingizni yaxshi ko`rib turguvchiman, dedik. Saba 34:11 ⧉
Tafsir:
"Ey Dovud, dushman zarbasidan himoya qiladigan sovutlar yasa va mixlarni ber tekisda urib chiq. Ularni ortiq darajada nozik ham, qoʻpol ham qilib yuborma. Yaxshi ishlarni qilinglar. Albatta Men qilayotgan ishlaringizni koʻrib turguvchiman. Biron ishingiz Mendan yashirin qolmas. Yaqinda oʻsha ishlaringizga yarasha mukofotingizni berurman".