Va ular bilan o`zlari ishtaha qilgan narsaning orasi to`sildi. Xuddi oldin o`tgan maslakdoshlari kabi. Albatta, ular shak-shubha ichida edilar. Saba 34:54 ⧉
Tafsir:
Anavi haqni tan olmaganlar bilan ularning farovon hayot, kufrdan tavba qilib, doʻzaxdan najot topish, dunyo hayotiga qaytish kabi orzu-istaklari oʻrtasiga toʻsiq qoʻyildi. Oldingi haqni tan olmaganlarga ham xuddi shunday qilingandi. Ular paygʻambarlar olib kelgan Allohning tavhidi, qayta tirilish kabi etiqodiy ishlarga shubha bilan qarardilar.