Agar ularga duo qilsangiz, duoingizni eshitmaslar. Gar eshitsalar ham, sizga javob bera olmaslar. Qiyomat kuni esa, sizning ularni shirk keltirganingizni inkor eturlar. O`ta xabardor Zotdek hech kim senga xabar bera olmas. Fatir 35:14 ⧉
Tafsir:
Butlaringizga duo qilsangizlar, duolaringizni eshitmaydilar. Eshitgan taqdirda ham javob berolmaydilar. Chunki ular jonsiz narsalardir. Qiyomat kuni ularni sherik qilganlaringizni inkor etadilar. Ey Paygʻambar, sizga hech kim Alloh subhonahudek xabar bera olmas.