O`shanda Biz ularga ikkitani yuborgan edik, ular ikkovlarini yolg`onchiga chiqardilar. Bas, Biz uchinchi bilan qo`lladik. Shunda: «Albatta, biz sizlarga yuborilgan Payg`ambarlarmiz», dedilar. Yosin 36:14 ⧉
Tafsir:
Ularni Allohni yagona iloh deb bilish va Unga toat-ibodat qilishga davat etishlari uchun dastlab ikki paygʻambarni yubordik. Bu ikki paygʻambarni yolgʻonchiga chiqarishgach, ularni uchinchi paygʻambar bilan quvvatladik. Shu bilan uch paygʻambar shahar aholisiga: "Biz sizlarga yuborilgan paygʻambarlarmiz. Sizlarni Allohni yagona iloh deb bilish va Uning shariatiga amal qilishga chaqirish uchun kelganmiz", dedilar.