Ular Undan boshqa faqat ayol sanamlarga ibodat qilurlar va faqat bebosh shaytonga ibodat qilurlar. An-Nisa 4:117 ⧉
Tafsir:
Oʻsha mushriklar Allohni qoʻyib, Lot, Uzzo kabi foyda ham, zarar ham keltira olmaydigan sanamlarga ibodat qiladilar. Aslini olganda ular Allohga itoat qilishdan bosh tortgan, hech qanday yaxshiligi boʻlmagan shaytonga sigʻinadilar. Chunki sanamlarga ibodat qilishni ularga aynan shu shayton buyurgan.