Magar tavba qilib, solih amallar qilgan, Allohni mahkam ushlagan va Alloh uchun dinga ixlos qo`yganlar — ana o`shalar mo`minlar ila birgadirlar. Alloh, albatta, mo`minlarga ulug` ajr berur. Niso 4:146 ⧉
Tafsir:
Munofiqligidan tavba qilib, Allohga qaytgan, botinini oʻnglab, Allohga bergan ahdini mahkam tutgan, amalini hech bir riyo aralashtirmasdan xolis Alloh uchun qilgan kishilar bundan mustasno. Ular bu dunyoda ham, oxiratda ham moʻminlar bilan bir safdadirlar. Yaqinda Alloh moʻminlarga koʻp-koʻp savoblar berur.