Ular: «Ey sehrgar! Senga bergan ahdiga binoan, biz uchun Robbingga duo qil! Albatta, biz hidoyat topguvchilardan bo`lamiz», dedilar. Az-Zukhruf 43:49 ⧉
Tafsir:
Ular azobga giriftor boʻlishgach, Muso alayhissalomga: " Ey sehrgar, (Bu yerda "sehrgar" soʻzi yerga urish emas, ulugʻlash manosida kelyapti. Chunki u paytlarda sehrgarlar hamma hurmat qiladigan eng obroʻli odamlar boʻlishgan), Parvardigoring senga, agar biz iymon keltirsak, azobni bartaraf etishini vada qilgandi. Shu vadasi haqqi Unga biz uchun duo qil. Agar bizdan bu baloni daf qilsa, biz albatta toʻgʻri yoʻlga yuramiz", dedilar.