Ana o`shalarni Alloh la'natladi, ularni kar qildi va ko`zlarini ko`r qildi. Muhammad 47:23 ⧉
Tafsir:
Yer yuzida buzgʻunchilik qilib, qarindoshlik rishtalarini uzgan oʻsha badbaxtlarni Alloh Oʻz rahmatidan quvib, quloqlarini haqni eshitmaydigan kar qilib qoʻydi. Koʻzlarini esa haqni koʻrmaydigan koʻr qilib qoʻydi. Endi ular ibrat qulogʻi bilan tinglash, ibrat koʻzi bilan koʻrish nematidan mahrum baxtiqarolardir.