Ey, iymon keltirganlar! Allohdan va Uning Rasulidan oldin shoshilmanglar. Va Allohga taqvo qilinglar. Albatta Alloh eshituvchi va biluvchi Zotdir. Hujurot 49:1 ⧉
Tafsir:
Ey Allohga iymon keltirib, U Zotning shariatiga amal qiladiganlar, Alloh va Rasulining oldida ulardan oldin oʻzboshimchalik bilan bir gap aytib yoki bir ish qilib yubormanglar. Allohdan buyruqlarini bajarish va taqiqlaridan tiyilish ila taqvo qilinglar. Alloh aytayotgan gaplaringizni eshitib, qilayotgan ishlaringizni koʻrib turguvchi Zotdir. Biron narsa U Zotdan yashirin qola olmas va yaqinda amallaringizga yarasha jazo yoki mukofotingizni berur.