Albatta, Rasulullohning huzurida ovozlarini pastlatganlar, ana o`shalar Alloh qalblarini taqvoga imtihon qilgan zotlardir. Ularga mag`firat va ulkan ajr bor. Hujurot 49:3 ⧉
Tafsir:
Paygʻambar alayhissalomning oldilarida ovozlarini paysaytirganlar shunday zotlarki, Alloh ularning qalblarani taqvo uchun sinab koʻrgan va ular taqvo sinovidan oʻtganlar. Ular uchun magʻfirat bordir. Qilgan gunohlari uchun jazolanmaydilar. Ular uchun Qiyomat kuni ulugʻ ajr ham bor. U jannatga kirishlaridir.