U bilan Alloh O`z roziligini istaganlarni salom yo`llariga boshlar va ularni O`z izni ila zulmatlardan nurga chiqarar. Hamda sirotul mustaqiymga hidoyat qilar. Moida 5:16 ⧉
Tafsir:
Alloh Oʻzining rizosi yoʻlida harakat qilib, iymon keltiradigan va yaxshi amallar qiladigan kishilarni Allohning ozobidan najot beradigan yoʻllarga boshlaydi. Bu yoʻllar jannatga olib boradigan yoʻllardir. Shuningdek, Alloh ularni Oʻz izni ila kufr va masiyat zulmatlaridan iymon va toat nuriga olib chiqadi hamda ularni eng toʻgʻri, eng puxta, mustahkam yoʻlga - Islom yoʻliga muvaffaq qiladi.