Allohning g`azabiga duchor bo`lgan qavmni do`st tutganlarni ko`rmaysanmi? Ular sizlardan ham emas, ulardan ham emas. Bilib turib, yolg`onga qasam icharlar. Al-Mujadila 58:14 ⧉
Tafsir:
Munofiqlarga qarang, ey Paygʻambar alayhissalom, qilgan gunohlari va kufrlari sababli Allohning gʻazabiga uchragan yahudiylarga doʻst boʻlib olibdilar. Ular moʻminlardan ham, yahudiylardan ham emaslar. Arosatda qolgan sarsonlardir. Yana: ”Bizlar musulmonlarmiz, yahudiylarga musulmonlarning xabarlarini yetkazmadik”, deb yolgʻon qasam ichadilar.