Landscape MP4 Vertical MP4

Sura Al-Mujadila — Oyat 22 (Oʻzbekcha) — Video

Al-Mujadila • Oyat 22 dan 22 • Oʻzbekcha


لَا تَجِدُ قَوْمًا يُؤْمِنُونَ بِاللَّهِ وَالْيَوْمِ الْآخِرِ يُوَادُّونَ مَنْ حَادَّ اللَّهَ وَرَسُولَهُ وَلَوْ كَانُوا آبَاءَهُمْ أَوْ أَبْنَاءَهُمْ أَوْ إِخْوَانَهُمْ أَوْ عَشِيرَتَهُمْ ۚ أُولَٰئِكَ كَتَبَ فِي قُلُوبِهِمُ الْإِيمَانَ وَأَيَّدَهُمْ بِرُوحٍ مِنْهُ ۖ وَيُدْخِلُهُمْ جَنَّاتٍ تَجْرِي مِنْ تَحْتِهَا الْأَنْهَارُ خَالِدِينَ فِيهَا ۚ رَضِيَ اللَّهُ عَنْهُمْ وَرَضُوا عَنْهُ ۚ أُولَٰئِكَ حِزْبُ اللَّهِ ۚ أَلَا إِنَّ حِزْبَ اللَّهِ هُمُ الْمُفْلِحُونَ 22
Tarjima:
Allohga va oxirat kuniga iymon keltirgan qavmning Alloh va Uning Rasuliga dushmanlik qiluvchilarga do`stlik qilganlarini topmassan. Hatto, u(dushman)lar o`z otalari, bolalari, aka-ukalari yoki qarindoshlari bo`lsa ham. Alloh undoq kishilarning qalblarida iymonni sobit qilgan, ularni O`z huzuridan bir ruh bilan qo`llagandir. Va ularni ostidan suvlar oqib turgan jannatlarga kiritur. Ular unda abadiy qolurlar. Alloh ulardan rozi bo`lur. Ular Allohdan rozi bo`lurlar. Unday kishilar Allohning firqasidandirlar. Ayo, ogoh bo`linglar, albatta, Allohning firqasidagilar, ha, o`shalar yutuvchilardir. Al-Mujadila 58:22 ⧉
Tafsir:
Ey Paygʻambar alayhissalom, Alloh va Rasuliga hamda Qiyomat kuniga iymon keltirganlarning Alloh va Rasuliga dushman boʻlgan kimsalarni yaxshi koʻrib, ular bilan doʻstlashayotganini koʻrmaysiz. Garchi ular oʻzlarining otalari, bolalari, aka-ukalari yoki yaqin qarindosh-urugʻlari boʻlsalar-da. Iymon ularni Alloh va Rasulining dushmanlariga yaqin boʻlishdan man qiladi. Chunki iymon rishtasi barcha rishtalardan ustundir. Qarama-qarshi kelib qolganida mana shu rishta muqaddamdir. Alloh va Rasuliga dushman boʻlgan kimsalar bilan, garchi ular oʻzlarining yaqin qarindoshlari boʻlsalar-da, doʻst boʻlmaganlarning qalblariga Alloh taolo bir iymonni jo qildiki, u hech qachon oʻzgarmaydi. Ularning iymonini hujjat va nur bilan quvvatladi. Alloh taolo Qiyomat kuni ularni qasrlari va daraxtlari ostidan daryolar oqib turadigan Adn jannatlariga kiritadi. U yerda abadiy qoladilar. Jannatlarda nematlarning keti uzilmaydi, tugab qolmaydi. Alloh taolo ulardan shunday rozi boʻladiki, bundan keyin ularga hech qachon gʻazab qilmaydi. Ular ham Alloh taolo bergan bitmas-tuganmas nematlar tufayli rozi boʻladilar. Ana shu nematlardan biri Alloh taoloni koʻrish nematidir. Yuqorida aytib oʻtilgan sifatlarga ega boʻlgan kishilar Alloh taoloning buyruqlarini bajarib, taqiqlaridan tiyiladigan askarlaridir. Ogoh boʻlingizkim, albatta Allohning askarlari dunyoyu oxiratda murod-maqsadlariga erishib, qoʻrqqan narsalaridan najot topib, muvaffaqiyat qozongan kishilardir.
X Facebook Minutemailer Stellar WhatsApp Reddit
To‘liq sura videosiga o‘tish
Oldingi Al-Mujadila • Oyat 21 Keyingi Al-Hashr • Oyat 1