Batahqiq, sizga Robbingizdan «ko`z ochuvchi»lar keldi. Kimki ko`rsa, o`ziga yaxshi. Kim ko`r bo`lib olsa, o`ziga zarar. Men sizlarga qo`riqchi emasman. Al-An'am 6:104 ⧉
Tafsir:
Ey odamlar, sizlarga Parvardigoringiz tarafidan ochiq-oydin hujjatlar va dalillar keldi. Kim aqlini ishlatib, ular haqida fikr yuritsa va boʻyin egsa, oʻziga foyda. Kim aqlini ishlatmasdan, ular haqida fikr yuritmasa va boʻyin egmasa, oʻziga zarar. Men sizlarning amallaringizni sanab turadigan ustingizdan qoʻyilgan nazoratchi emasman. Men Parvardigoringiz tarafidan yuborilgan bir paygʻambarman, xolos. Sizlarni ustingizdan kuzatib, nazorat qilib turadigan Uning Oʻzidir.