Va Robbing behojat va rahmat sohibi bo`lgan Zotdir. Agar xohlasa, xuddi sizlarni boshqa qavmlar zurriyotidan paydo qilganidek, sizlarni ketkazib, ortingizdan nimani xohlasa, o`rinbosar qilib keltirur. An'om 6:133 ⧉
Tafsir:
Ey Paygʻambar, Parvardigoringiz bandalaridan behojatdir. U Zot bandalarning oʻzlariga ham, qiladigan ibodatlariga ham muhtoj emas. Ularning kufr keltirishlari U Zotga zarar qilmas. Behojat boʻla turib U Zot bandalariga Mehribon. Ey osiy bandalar, agar U Zot istaganida Oʻzi tarafidan bir azob yuborib, sizlarni batamom qirib tashlagan, keyin esa Oʻziga iymon keltiradigan va itoat qiladigan boshqa odamlarni yaratgan boʻlardi. Mana, sizlarni ham oldingi boshqa bir qavmning naslidan yaratgan-ku.