Va agar ularga: «Kelinglar, Allohning Rasuli sizlarga istig`for aytur», deyilsa, ular boshlarini chayqarlar. Va ularning mutakabbirlik holida yuz o`girayotganlarini ko`rursan. Al-Munafiqun 63:5 ⧉
Tafsir:
Agar oʻsha munofiqlarga: "Qilgan ishingiz uchun Paygʻambar alayhissalomning oldiga uzr soʻrab kelinglar. Shunda u zot sizlar uchun Allohdan magʻfirat soʻraydi", deyilsa, masxara qilib, boshlarini burib ketadilar. Ularning haqni qabul qilishdan va unga boʻysunishdan oʻzlarini katta olib, yuz burib ketayotganlarini koʻrasiz.