Agar ikkovingiz Allohga tavba qilsangiz, batahqiq, qalblaringiz (haqqa) moyil bo`lur. Agar unga qarshi chiqsangiz, bas, albatta, Alloh uning yordamchisidir va Jabroil ham, solih mo`minlar ham. Undan so`ng farishtalar unga suyanchiqdir. Tahrim 66:4 ⧉
Tafsir:
Ikkalangizga tavba qilish lozim boʻldi. Chunki qalblaringiz Paygʻambar alayhissalom yoqtirmaydigan ishni yoqtirib qoldi. Yani, joriyadan oʻzini tortib, uni oʻziga harom qilib olishini istab qoldinglar. Paygʻambarga qarshi til biriktirishda davom etaversangizlar, bas, Alloh uning Madadkoridir. Jabroil ham, solih moʻminlar ham. Bundan tashqari farishtalar ham u zotning yordamchilari boʻlib, u kishiga ozor beruvchilarga qarshi turadilar.