Va xo`rlanib yurgan qavmni esa, o`zimiz barakali qilgan yerning mashriqiyu mag`ribiga merosxo`r qildik. Sabr qilganlari uchun Robbingning go`zal so`zlari Bani Isroilga batamom bo`ldi. Fir'avn va uning qavmi qurgan narsalarni va ular yuksaltirgan narsalarni vayron qildik. Al-A'raf 7:137 ⧉
Tafsir:
Firavn qoʻlida xor boʻlgan Bani Isroilni yerning mashriqiyu magʻribiga voris ayladik. Bu yerda Shom yurtlari nazarda tutilyapti. Alloh bu yurtlarni barakotli qilgan. Ekinlari va mevalarini moʻl-koʻl, serob aylagan. Ey Paygʻambar, Parvardigoringizning: «Bu yerdan bechora boʻlgan zotlarga inom qilishni va ularni odamlarga yetakchi qilib qoʻyishni istaymiz», degan goʻzal soʻzlari toʻla-toʻkis yuz berdi. Firavnning ozorlariga sabr qilganlari uchun Alloh ularga zaminni maskan qilib berdi. Firavnning ekinzorlariyu qasrlarini esa vayron qildik.