Oyatlarimizni va oxirat muloqotini yolg`onga chiqarganlar amallari behuda ketganlardir. Ular faqat qilib yurgan amallarining jazosini olurlar. Al-A'raf 7:147 ⧉
Tafsir:
Paygʻambarlarimizning haqligiga dalolat qiladigan oyat-alomatlarimizni va Qiyomat kunida Allohga roʻbaroʻ kelishni yolgʻonga chiqaradigan kimsalarning yaxshi amallari habata boʻladi. Hech qanday savobga noil boʻlmaydilar. Savobga erishish uchun iymon shart qilingandi. Ular shartni bajarmadilar. Endi ular Qiyomat kunida kufr va shirk kabi jinoyatlariga yarasha jazo olib, doʻzaxda abadiy qoladilar.