Bas, unga va u bilan birga bo`lganlarga O`z rahmatimiz ila najot berdik va oyatlarimizni yolg`onga chiqarganlarning ketlarini uzdik. Ular mo`min emas edilar. A'rof 7:72 ⧉
Tafsir:
Biz Hud alayhissalom va u kishi bilan birga boʻlgan moʻminlarni Oʻz rahmatimiz ila salomat qildik. Oyatlarimizni yolgʻonga chiqarganlarni esa tag-tugi bilan qirib tashladik. Ular moʻminlar boʻlmadilar. Aksincha, haqni yolgʻonga chiqarib, azobga loyiq kimsalarga aylandilar.