Va qalblaridagi achchiqni ketkazadir. Alloh kimni xohlasa, o`shaning tavbasini qabul qiladir. Alloh bilguvchi va hikmatli Zotdir. At-Tawbah 9:15 ⧉
Tafsir:
Moʻmin bandalariga zafar ato etish bilan ularning qalblaridagi gʻam-anduhni ketkazadi. Anavi sarkashlardan tavba qilganlari boʻlsa, Alloh Oʻzi istagan odamni kechiradi. Masalan, Makka fathi boʻlgan paytda ulardan ayrimlarining tavbasini qabul qilgan. Alloh tavba qiluvchining sodiqligini biladigan, har bir yaratishi, tadbiri va shariatini hikmat bilan qiladigan hakim Zotdir.