Hojilarga suv berishni va Masjidul Haromni obod qilishni Allohga, oxirat kuniga iymon keltirgan va Allohning yo`lida jihod qilgan kabi qildingizmi?! Ular Allohning huzurida teng emaslar. Alloh zolim qavmlarni hidoyat qilmas. At-Tawbah 9:19 ⧉
Tafsir:
Ey mushriklar, sizlar hojilarga suv berish va Majidul-Haromni obod qilish ishlarini bajaradigan xodimlarni Allohga ishonadigan, shirk keltirmaydigan, Qiyomat kuniga iymon keltiradigan, joni va molini tikib, Alloh kalimasini oliy qilish, kufr kalimasini esa yer bilan yakson qilish yoʻlida jihod qiladigan kimsa bilan tenglashtirmoqchimisizlar? Allohning nazdida har ikkisining fazli teng, deb oʻylaysizlarmi? Ular Allohning nazdida hech qachon teng boʻlolmaydilar. Garchi hojilarga suv berish kabi yaxshi amallarni qilayotgan boʻlsalar-da, Alloh zolim mushriklarga tavfiq bermaydi.